Advertisement

節目腰斬 老婆患妊娠糖尿 Bob揸250萬新Benz載妻沖喜

        近年狂吸金嘅阿Bob(林盛斌),年賺過千萬又坐擁半億身家,育有三名小公主外,又成功追到個仔,成幸福人辦!惜大肚妻冒險佗B,患上妊娠糖尿,日打四支針,老公勁心痛。加上阿Bob主持嘅新節目《BigBoys歷險記》,播出首集就被批「太多神怪嘢」,周日(6日)播完第二集慘被腰斬。連番打擊下,阿Bob就駕駛其250萬新Benz四驅車載大肚妻遊車河,外出沖喜。錫老婆會發達,唔怪得阿Bob愈來愈有米啦!

        37歲嘅阿Bob,入行12年、默默耕耘致富,口依家手頭上約有十個總市值約四千幾萬嘅物業揸手,加埋名車和其他資產,坐擁約半億身家。而自命好有女人緣嘅佢育有三名千金,分別係9歲大女霏兒、5歲半熹兒和就快3歲嘅機兒,呢個月其愛妻將會誕下小王子,到時「三Queens一King」,終於打破「外父命」啦!阿Bob仲話四個夠晒數,有意做「結紮」當送份禮物畀太太,無後顧之憂喎!

  事業順風順水,惜最近佢有份主持嘅無線新節目《BigBoys歷險記》卻「出事」,皆因7月30日首集出街內容請來法科師傅杜慶龍到西貢交通黑點念咒超度亡魂,更上演「鬼上身」,收到不少觀眾投訴。故剛過去嘅周日播埋第二集,陳國峰跟國際探險專家到郊區學習求生技能後,將節目腰斬。

落地兩個月

  阿Bob無奈表示尊重公司決定,日前就揸其「新玩具」、落地兩個月嘅Benz AMG G63載大肚妻外出散吓心。當日兩公婆二人世界,玩到約7點半,就較啱時間去太子近花墟附近的餅店,接餅店老闆娘林母收工。見阿Bob將250萬「新玩具」泊喺餅店門口,等母親執拾時,就入便利店兜個圈。老婆腹大便便就留喺車內休息。未幾,阿Bob幫林母落閘,再替對方拎架車仔上車,然後一齊去食飯。

採訪 : 李維隆


hd