《同盟》精采劇情率先爆 監製文偉鴻為鮑起靜度身訂造

        繼去年叫好叫座的劇集《城寨英雄》後,監製文偉鴻(Jazz)今年再拍陳展鵬和胡定欣,更邀得金像影后鮑起靜合力炮製新劇《同盟》,以武打動作包裝,表達「孝義」主題。Jazz預告有不少精采場面,譬如為鮑姐度身訂造不一樣媽媽「令小姐」,跟家族爭權一幕盡顯霸氣;而定欣則變身「女版孟波」;至於平日柔弱的姚子羚會化身性感打女,在貨Van上一打三。

講到「孝」,好自然想到演「慈母」出色的鮑姐,Jazz也有此想法,但因看到鮑姐在《殭屍》有幾幕令人心寒的演出,更想找她演一些突破角色,「搵得鮑姐就想試啲新嘢,今次『令小姐』角色,係為佢再度身訂造,對於鮑姐同觀眾都好有新鮮感。」影后表現確實無令Jazz失望,「鮑姐除咗同展鵬同山聰啲母子情嘅戲,令人好感動之外,佢同啲家族成員爭拗嘅戲份,一樣好突出,平日好少見到鮑姐咁霸氣一面,佢一出嚟就好有壓場感,加上拍住啲資深演員一齊演,戲味真係好出。」

定欣變「女版孟波」

  除了鮑姐,男女主角展鵬和定欣一樣抵讚,Jazz說:「今次佢哋打得更加甘,好彩默契更好,好似兩人用MMA打嘅戲份,要一個鏡頭落完成,佢哋都做到,真係好厲害,特別係定欣,佢個角色好似『女版孟波』咁,佢成日要做主動去玩展鵬,佢一樣演得好放。」講到有驚喜,Jazz點名表示子羚一定令大家刮目相看,「平日子羚畀人感覺好柔弱,但係今次打得好精采,好似一場佢喺貨Van度一打三嘅戲,雖然拍足兩日又熱又辛苦,但係佢打得好正,真係以為佢好打得咁。」

採訪:杜淑霞

hd