Advertisement

公司花120萬出HiFi大碟 蘇永康有老婆同仔撐場

        昨日,首推HiFi大碟《Love From The Last Century》的蘇永康舉行分享會,蘇太抱埋未夠五個月嘅囝囝蘇展弘(Jazz)、劉賢德、鮑以正及張美儀一起到場支持。

        蘇康表示當年金牌大風時期已打算出HiFi碟,但轉到新公司後因為不停做巡迴Show而被迫將計劃延遲了七年,他笑說︰「在公司七年從未令公司蝕過錢,唔想呢隻碟打爛招牌。」所以他笑稱,公司花了120萬為他製作新碟,他期望能至少賣出1萬8千張得以回本。

  大碟選唱的歌大部份是上世紀情歌,蘇康自爆揀唱陳百強的《夢裏人》是因為囝囝,他解釋,囝囝一聽爸爸的歌便會扁嘴,其他歌手的歌兒子也不願聽,唯獨陳百強的歌,兒子可從頭聽到尾。問到可會重唱《夢裏人》的版本給兒子聽?蘇康說︰「不敢,怕佢聽到我嘅歌會扁嘴,我接受唔到呢種挫折。」

hd