遊雪梨開會兼歎美食 陳鈺芸初學射箭比賽攞第一

        打女陳鈺芸(JuJu)早前到澳洲雪梨為明年開拍的動作電影到Fox Studio開會,之後再到唐人街的中文電台做訪問。做完嘢,她特登留在當地玩幾日,因雪梨天氣好,美食又多,JuJu除了參觀St Mary's Cathedral教堂和港灣大橋,又去了魚巿場食超平生蠔,以及品嘗了當地著名的士多啤梨西瓜蛋糕,不過最難忘都是在Bondi Archery學射箭,沒想到初學的她眼界不錯,更拿了比賽的第一名,她稱有機會會再學,話唔定對拍戲有幫助。

JuJu之前去過雪梨好幾次,但三年冇去,今次趁在當地開會和做訪問,順道玩幾日,她說:「因為嚟緊會拍一部叫《辣子玫瑰》(Pepper)嘅動作片,呢部電影會以澳洲為背景取材,所以今次要同有關嘅單位開會,包括投資者同法集團、Fox Studio同導演等,o依家籌備緊,明年就會開拍。」之後她更到唐人街的中文電台做訪問,「都係講番今次嚟雪梨嘅目的,加上美國啱啱有新戲《野蠻狗》(Savage Dog)上映,年尾又要為另一部電影《九龍不敗》(The Invincible Dragon)做宣傳。」

大愛西瓜蛋糕

  做完訪問,JuJu在唐人街行逛和歎中菜,「雪梨嘅唐人街都好有歷史性,我仲拜訪咗唔同嘅武館。」當地出名食海鮮,生蠔最抵食,港幣80蚊有一打,所以JuJu都唔執輸,她還首次試了Black Star Pastry熱賣的士多啤梨西瓜蛋糕,她大讚:「好清甜又唔膩,夏天食啱晒。」最開心是有朋友介紹她去Bondi Archery學射箭,「今次射中好多紅心,連教練都話未見過有人啱啱學眼界咁準,我同一齊學嘅人比賽仲攞第一,所以嚟緊都有興趣鑽研吓,有機會希望代表香港出賽,第日拍戲都有用。」

撰文:李佩儀

hd