T-ara解體前 單拖襲港 D cup孝敏晒腰謝忠粉

        韓國索爆女團T-ara,出道近9年,人數加加減減。到今年6女T-ara再減兩女,寶藍和素妍講bye bye,淨番孝敏、居麗、智妍及恩靜年底約滿就解散。日前晚上,一向係團中公認身材最好嘅孝敏秘密襲港現身中環,佢喺大批保安加瘋狂Fans簇擁包圍下,行返置地文華東方酒店。臨入酒店,D cup孝敏好識做地晒纖腰又同忠粉揮手say bye。

T-ara自09年出道以來一直紅遍亞洲,但自傳出欺凌是非,導致成員花英被退團後,女團人氣插水。到今年,成員寶藍和昭妍同在5月約滿離團,其餘四女留守至12月。隊伍面臨散band,最後的齊腳專輯6月推出後,6變4的T-ara實力未有削弱,月前更在SBS音樂節目《TheShow》中憑新大碟主打歌《What's my name?》奪得冠軍。

  多年嚟Keep住有單人搵食嘅孝敏,日前秘密低調嚟港做job,亦走唔出忠粉法眼。日前晚上7時許,孝敏以bra top配一套白色運動衫現身中環。落咗保母車後,長髮紮咗幾條辮仔嘅孝敏戴cap帽被5、6名保鏢和工作人員,組成人鏈保護行返置地文華東方酒店。年輕Fans沿途用手機拍片影相,又大叫孝敏英文名Hyomin,本來3分鐘路程,變成十分鐘。臨入酒店時,孝敏好識做,停低同忠粉揮手say bye。班fans見偶像咁nice,不斷大叫「good show!」o氹到孝敏笑笑口走人。

採訪 ︰ 李維隆、李權威

hd