被窒澳洲秘婚 黃翠如揭袁偉豪係「女人湯丸」

        黃翠如和袁偉豪昨日齊出席一公開活動,低胸性感靚裙現身的翠如笑言袁偉豪是「女人湯丸」,袁偉豪則笑窒翠如和男友蕭正楠早前到澳洲玩秘婚!

        黃翠如、袁偉豪、梁靖琪(Toby)及廖碧兒等,昨日均有出席一護膚品牌的活動,翠如指男友蕭正楠會問她做美容的情況,袁偉豪就大讚女友張寶兒甚懂護理皮膚,自己亦有「滋潤」女友,更與女友的媽媽見過一次面,問到張寶兒的媽媽對他的印象如何?袁偉豪道:「我又無問,希望好啦!」

  問到可有傳授幾招給袁偉豪?翠如就笑指袁偉豪「好叻」、是「女人湯丸」,袁偉豪即拉蕭正楠落水,翠如聞言道:「蕭正楠都係(女人湯丸),但『媽媽級』、小朋友會冧啲。佢(袁偉豪)係女仔會冧啲,你睇佢除衫就知!」

  談到性感打扮示眾,男友有否過目?翠如說:「佢唔喺香港,我諗都唔會傳相畀佢睇。」問到可會叫設計師朋友設計婚紗?翠如就說:「冇咁諗!我妹妹識車衣,如果人生呢一刻比妹妹造衫會好Sweet!」袁偉豪就笑問翠如是否已在澳洲註冊結婚?翠如就反擊、笑問袁偉豪稍後可會外遊,似暗示他亦可能會惹上秘婚傳言!

本報記者

hd