蔡一傑許志安 廁所搞笑試音

  蔡一傑相隔14年再推出個人專輯,為隆重其事,特別邀請相識30年的超級好友兼同門師弟許志安合唱其中一曲《男藍》,雖然他們聲底不同但超夾,果然是名師梅艷芳的高徒。安仔和傑仔首次合唱,試音是必要的,第一次試音竟不是錄音室,而是傑仔屋企的洗手間,安仔邊笑邊說:「我哋第一次試唱呢首歌就喺傑仔屋企廁所,當日我喺佢屋企食飯,然後我哋就入咗廁所試唱,鍾意廁所唱歌有回音。但其實當時我好驚,嘩,兩個男人閂埋廁所度,仲喺裏面大嗌喎!我驚傑仔嘅家傭姐姐聽到會嚇到報警,我已盡量唱得細聲啲!」傑仔憶起都忍不住大笑。故事版MV亦已曝光,傑仔飾演樂觀的酒保和的士司機,而安仔飾演灰爆打工仔。安仔搞笑投訴:「劇本與現實不符,我性格好樂觀㗎!」期間安仔更一展球技,導演特別要求某幾個桌球如何「走位」,安仔就一Q完成,全場大讚!

hd