聽Gin演繹覺性感 蘇永康主動點名邀合唱

        蘇永康(阿公)和Gin Lee(李幸倪)最近首度合作翻唱Gin舊歌《和每天講再見》,原來這次難得合唱,竟是作為前輩的阿公主動邀約,話說阿公在Eric Kwok的作品展聽過Gin現場演繹彭羚高難度作品《一枝花》後,對Gin帶點性感演出極為欣賞,主動點名合作,阿公為令件事更圓滿,還要求拍埋MV。

        阿公跟不少人合唱過,但主動邀合作繼謝安琪後,便是今次跟Gin,他解釋,「當然之前有聽過Gin嘅歌,但係現場聽,加上《一枝花》呢首歌好難,佢係唱得好好,好記得佢嗰晚着住件白色衫,嗰刻真係有啲sex appeal㗎!」

要求拍MV

  對Gin讚不絕口後,阿公即做嘢主動邀約合作,Gin坦承感到受寵若驚,「佢親口同我講嗰刻真係好開心㗎!以前喺馬來西亞成日喺電視音樂節目見到佢,記得第一次喺香港活動見到佢,已經覺得好神奇,真係冇諗過大家可以有合唱機會,仲要聽到公司話用我自己有份寫嘅作品合唱,更加覺得感動呀!」既然機會難得,阿公更加力求完美,「我同佢老闆講,想件事完整啲,只要求搵番Alex Fung監製同埋要拍埋MV。」對於今次歌曲主題,兩人特別有感受,因都曾經試過因為忙於工作,忽略身邊的人和事,幸好發覺得不太遲。

撰文:杜淑霞 攝影:李維隆

hd