47歲生日撞正中秋 李蕙敏獲粉絲提早慶生

        10月4日生日的李蕙敏(Amanda),今年47歲難得跟中秋撞到正,她已約好老公當日人月兩團圓,但一班跟隨多年的粉絲一樣好有心,早前為她先開派對慶祝,除了收到大蛋糕,還有金壽桃作禮物,令她相當意外。之前造人大計未見成績的她,反而生日願望不強求生B,只望自己和身邊人都開心和健康便滿足。

        入行多年的Amanda,只要在港粉絲都會為她慶祝生日,「佢哋真係好有心,有啲真係一入行就識,雖然近年我又試過冇唱片公司,幫我聯絡嘅人又冇合作,但係我14年開騷,佢哋又聚番埋一齊,有啲仲係近幾年先至加入㗎!」

不強求生BB

  當日生日會,Amanda除了收到大蛋糕,最驚喜是收到金壽桃,「佢哋真係好搞笑,當我好似啲長輩咁,佢哋話金器實際啲,同埋代表情比金堅喎!」談到生日願望,Amanda不強求生B,「生BBO依家都係順其自然咁努力緊,但最緊要都係自己同身邊人健康同開心。」Amanda謂其實每年10月都會特別開心,「因為我老公係國慶10月1號生日,我就係4號,當年我仲專登揀6號結婚,方便記嘛!所以10月係我哋慶祝月嚟,今年我生日仲撞正中秋節O添!我已經帶老公去咗迪士尼過咗晚慶祝佢生日,因為佢未去過香港迪士尼,但唔知佢點幫我慶祝呀!通常我哋都係食餐飯,佢會買啲服飾之類畀我做禮物,因為佢知我貪靚嘛!」

採訪:杜淑霞

hd