約ViuTV 32E女主持去街 龐景峰真係識好多囡囡

        龐景峰(Andrew)係郭秀雲同錢小豪個仔,佢改過好多次名,叫過浩然又叫過麒夫,連姓都改過,之前叫龐錢景峰,一個親生老竇姓一個後父姓,正宗買兩邊,好一個世界仔。

        世界仔之前話去韓國發展,但唔知點解又返咗香港,早前仲同親生爸爸錢小豪拍戲《生化藥屍》,兩父子仲一齊宣傳,錢小豪話聽到個仔叫佢Daddy好感動,好Warm嘅啫。

阿旦好身材

  日前五點,Andrew喺Landmark行嚟行去,先去買咖啡再喺附近單手插袋等人,邊等邊撳電話,等咗十幾分鐘見到女性友人,女友人同Andrew笑晒咁傾偈,然後,喺ViuTV主持《晚吹—啪啪聲,太好聽》嘅鄧洢玲(阿旦)現身,32E嘅女方着住貼身衫加短褲十級養眼,不過外國大嘅Andrew見慣見熟無異樣,兩人行去上環一商業大廈,好耐都未落樓。

採訪︰李權威

hd