忙裏偷閒行街街 潘迪生陪妻女睇手機

        家族生意專營百貨鐘錶的潘迪生(Dickson),平日工作繁忙,難得有空閒時間,日前便偕太太余桂珠及女兒到銅鑼灣希慎廣場的Apple Store朝聖,為的是一睹iPhone 8及8 Plus的風采。只見三人在店內圍住啲電話研究,睇咗一陣就由三名保鏢護送、分兩架座駕離開,都幾大陣仗。

        潘迪生為迪生創建主席,今年6月曾公佈公司過去一年業績,成功轉虧為盈,他透露會繼續審慎研究更多投資機會。對於未來香港高檔零售市道的前景,他坦言不樂觀,但強調不會放棄零售業務發展,並會勇於接受挑戰。日前潘迪生與妻女一齊現身希慎廣場的Apple Store,由於潘氏伉儷着得好Colourful,所以在人群中特別搶鏡。

  他們入到店內,跟隊等候睇iPhone 8的真身。等咗10分鐘,終於有得睇,三人興奮攞上手研究,一臉好有興趣,潘太仲拿出原有的手機套,問老公和女兒新手機能否合用,當女兒幫她試完後表示不合適,他們便放低手機離開。

等iPhone X啦

  iPhone X據知12月出到貨,等兩個月啦。而三名保鏢一早在門外守候,先送潘迪生女兒上七人車。之後潘迪生見有記者影相,即戴番黑超上車走人。

採訪:梁志明

hd