否認偷食陳偉琪 王浩信:唔識呢個女仔

        王浩信早前否認背妻撻着蔡思貝,昨有報道指他「偷食」2013年落選港姐陳偉琪。王浩信昨出席公開活動時,強調不認識陳偉琪,直斥有關報道無中生有!

        王浩信日前與太太陳自瑤(YoYo)拍拖出席商場活動,以行動碎婚變傳聞後,王浩信昨與李佳芯出席一手袋品牌活動時,親自揀選手袋送給YoYo。王浩信坦言甚少時間陪太太,送手袋只是借花敬佛,多抽時間陪她才重要,他坦言:「有段時間我送手袋畀佢,佢有少少反感,可能顏色唔啱。佢好實際,唔崇尚名牌,最緊要財政同精神上畀多啲支持,佢照顧小朋友學業好辛苦。」

  王浩信繼早前與蔡思貝傳緋聞後,昨有報道指他與落選港姐陳偉琪「有染」,王浩信澄清道:「唔知佢(陳偉琪)係邊個,唔識呢個女仔,希望大家唔好傷害人。(你們曾合作《溏心風暴3》。)唔係我(演出)條線,冇同場合作。(你最近好多桃花?)希望將呢啲桃花轉為Fans力量……(有關報道)無中生有,做呢行咁耐明白,亦唔需要向太太解畫。」

本報記者

hd