傳穩奪叱咤男歌手金獎 李克勤︰有獎攞我會開心

        李克勤昨日獲委任為一高爾夫球賽的慈善大使,對有傳他轉投英皇後,在年底將攞硬商台的叱咤男歌手金獎,克勤笑言「雖然讀書不是求分數……就假嘅!」所以有獎攞會好開心。

        李克勤將擔任高爾夫球賽慈善大使,他透露太太為了取得高爾夫球教練牌,曾在西貢高球場工作,過往他們兩公婆亦試過瘋狂地愛上打高球,在加拿大一星期內打了14場,但可惜兒子對打高球沒有興趣。

  有傳今年克勤在商台叱咤頒獎禮上在沒有對手下,將首次獲得男歌手金獎;克勤笑說:「我冇想呢啲事,讀書不是求分數……就假嘅!但公司會處理,我做好手上工作其他等公司處理,有獎我會開心,冇嘅話就替人哋開心,(屆時可能很冷清沒有對手?)我唔知,冇出席好多年,去到睇睇環境先知。」

  此外,他原定10月初與容祖兒到澳洲舉行演唱會,卻突然被取消,克勤自言在事件上很被動,但知道來龍去脈,就是其中一個主辦單位出現問題,暫時只知道該演唱會將延遲到明年2月舉行。克勤坦言:「我都要向買咗演唱會門票嘅歌迷致歉,也知道有香港歌迷專程飛到當地睇騷,但大家都唔想,我突然間多咗幾日假期,便在家裏砌積木。」

本報記者

hd