連踩新劇和電影 王梓軒工作中悼念嫲嫲

        王梓軒(Jonathan) 嫲嫲在中秋節當晚病逝,正拍電視劇及電影的Jonathan難掩傷痛,在鏡頭以外哭崩:「因為我係長子嫡孫,嫲嫲好錫我,對我好有期望。工作上,我嘅努力佢應該肯收貨,唯獨感情上就有小小遺憾,其實上年佢病得好嚴重,撐住返屋企時都有問過我:『幾時帶個女朋友返嚟?』」未能圓嫲嫲飲孫新抱茶的遺願,令梓軒耿耿於懷。

        因為同時趕拍電視劇及電影,梓軒嫲嫲日前再度入院,孫仔只能探得一次,他坦承好內疚:「唯一好彩係中秋節提早收工跟屋企人食飯,深夜就接到院方消息,總算一家人去到醫院送別嫲嫲。我哋兩婆孫關係好好,好記得去年我幫佢加工助行架,換上網球車轆,令到部車更加穩固,o氹得老人家開心咗半日。我知嫲嫲恨飲孫新抱茶,呢個係我未及做到嘅事,好可惜。」

度身訂造角色

  王梓軒兩年無拍電視劇,近日跟王君馨、梁烈唯、麥明詩、關禮傑等演出無線新劇《是咁的,法官閣下》,角色是監製陳耀全特別為他度身訂造,是個熱愛音樂的年輕大狀,不理家人反對堅持做音樂。最開心有機會同好朋友王君馨和梁烈唯等合作。為求效果更迫真自然,之前他去了法庭親自了解、觀察律師的言談舉止,希望短時間內可以領悟到多點法庭上的技巧。同時又去中環律師樓附近食飯,偷聽律師的真實生活狀況,做足功課。他笑說:「之前喺《城寨英雄》、《華麗轉身》、《三人行》入面都係做個重口味角色,好瘋狂,今次終於做返個正常人,哈,唔知做唔做得到呢!」

採訪:方騫平

hd