「姊弟檔」首度合作 黃智雯黃智賢好鬼夾

        黃智雯(Mandy)和黃智賢(Ben)雖然早已認識,但講到真正合作要算最近在周日播出的《雜警奇兵》,平日愛搞鬼尊稱Mandy 做「家姐」的Ben,覺得角色一Hea一Chur相當好玩,而且兩人亦好合拍。不過,Mandy全劇只有最尾一集不用扮大肚,還有不少動作場面,所以她承認演起來也份外辛苦。

        黃智賢和黃智雯兩人以往曾在4套劇中碰過頭,但總是擦身而過沒太多對手戲,但因名字只差一個字而熟悉,Ben說:「因為工作人員成日派錯通告,所以我見到佢會叫佢做家姐㗎!」Mandy笑着點頭,「係,觀眾都試過叫錯名呀!」

大肚Look感辛苦

  今次「大魔Sir」和「Laser姐」這一對,會由鬥氣到互相欣賞,現實中Ben和Mandy則剛好相反,Ben說:「我不嬲都好欣賞佢㗎!今次我哋有商有量合作得好開心。」Mandy亦補充,「可能今次個題材比較輕鬆,成班人都好好玩㗎!」不過Ben也替全劇大肚Look的Mandy感辛苦,「佢得最尾嗰集唔使扮大肚咋!」 Mandy說:「好在冬天拍唔會好熱,但係『Laser姐』個人好搏命,所以有好多動作場面,仲要揸埋電單車,大住肚拍都幾辛苦㗎!」至於該劇在周日播出,兩人認為這個新嘗試也不錯,Ben說:「套劇題材屬於黑色幽默嘅喜劇,幾適合一家大細睇,相信星期日播都無問題。」

採訪:杜淑霞 化妝:Phoebe Yung@Phoebe Y Image(黃智雯)

髮型:Jay Cheung by hair(黃智雯)、Willie Chan@hc hair culture


hd