電台節目搞埋電視同步 劉美娟陳倩揚:要花時間扮靚

        以往劉美娟和陳倩揚都主持過電台節目,但最近加入港台醫學常識節目《精靈1點》,節目不單是電台節目,還會作電視直播,兩人都笑言最大分別是花時間去扮靚,不過同時也要為節目醫學常識補習一下。特別是已有段日子鮮有幕前演出的美娟,最近她多了工作,因一對子女已漸長大,較易控制時間。

        美娟和倩揚主持經驗也不少,但今次也要做多些準備,美娟笑說:「以前淨係電台播得把聲未必見樣,唔化妝都冇問題,o依家高清電視點都要化個妝啦!」倩揚補充,「o依家真係唔懶得,衫同妝都要執正啲先得。」

怕受兒子夭折事影響

  對於節目以醫學常識為主題,兩人異口同聲表示不用太花時間惡補,倩揚說:「我哋反而唔適合用啲太深嘅方法去做講解,呢方面留番畀專業嘅醫生做,我哋好似觀眾嘅⻆度反而仲好。」

  負責訪問醫生的美娟也認同,「我哋就係要幫觀眾問問題,唔識先要問嘛!當然之前我哋會睇一啲簡單資料,同埋了解下大家有興趣或者疑問係邊方面啦!」

  之前經歷過長子天藍夭折事件的美娟,原來最初曾為此想過推掉邀請,「我主持嗰日負責訪問啲醫生,我諗嗰件事會唔會影響節目搵嘉賓呢?怕啲醫生唔想接受我訪問嘛!不過監製叫我唔使擔心。」美娟相隔16年最近再參與娘家劇集《飛虎極戰》,幕前工作增加不少,因一對子女已長大,「o依家佢哋識照顧自己,唔使咁多時間陪都得。」

採訪:杜淑霞

hd