趙雅芝忍淚瞻仰遺容 陳文輝出殯 親友哀傷送別

        「化妝大師」陳文輝昨日出殯,不少圈中好友都有到場送別,曾為無線當紅花旦的趙雅芝,在瞻仰遺容後一度忍不住灑淚;談到輝哥她表示有不少回憶,「合作好多,輝哥係新電視時代嘅開國功臣,化妝效果好好,每個角色都花好多心思,真係大師。」身旁的丈夫黃錦燊接着說:「經佢手,女藝人都會好靚,佢私底下亦好好人,就算幾忙,都會傾兩句,問候吓。」

  吳雨表示跟陳文輝認識有30多年,他表示輝哥是一個風趣的人,工作上就非常專業,化妝技術一流;他說:「阿哥阿姐都化得幼細全神,神乎其技。就算女藝人唔上妝,佢化都會好唔同。」吳雨透露輝哥退休後,會經常跟何定鈞相約他打麻將。他說:「輝哥好健談,一邊打一邊傾,禮拜三仲會賭埋馬;有時仲會食詐胡,俾何定鈞捉到,佢又無所謂。」他又表示已往都會約輝哥出席EYT(歡樂今宵)聚會,但往後就再沒有機會。他說:「希望輝哥喺另一邊一路好走,陳文輝亦成為化妝嘅代名詞。」


hd