高Ling心穎真空陪浸溫泉 森美爆老婆呷醋 飛去監視

        擁有42吋巨胸兼4塊腹肌的森美,最近在無線旅遊節目《森美旅行團》中同34D「咪神」高海寧及33.5B「女神」心穎BB齊浸溫泉,祼浸的森美更在鏡頭前大晒得來不易的最強Body,雖然兩位索女用大毛巾包到實,丁點「事業線」都見唔到,不過閱女無數的森美笑住踢爆兩人:「佢哋應該係真空上陣!」至於有冇異常嘅生理反應?森美大笑:「仔都生埋,真係唔知同佢哋去嚟似乜,早10年就話啫。」森美仲爆老婆畀錢買機票飛去監視佢。

        43歲嘅森美口花花,其實係愛妻號,正在熱播的《森美旅行團》中同心穎體驗S.U.P(立式划槳)課程遇上雙彩虹,森美有感而發帶淚向結婚17年的「森美嫂」陳雅嫻(Veronica)發表愛的宣言,Sweet到電視機邊黐晒蟻!雖然同眾人女神浸溫泉,但佢強調:「心穎、高Ling係索,揀佢哋都係因為樣靚身材正可以拉高收視,啱啱仲拎到女配角獎同飛躍進步藝人獎,但都差我老婆小小,我老婆Fit啲!」好得戚嘅森美坦言恨死隔籬,唔少朋友都好羨慕,但佢反而覺得好唏噓:「有得睇冇得使,點解唔早20年識佢哋?」

有胸又有腦

  森美眼中兩女神除性感外仲好有內涵,「心穎淘氣、可愛、好潮,係潮人型人,日本潮流嘢最啱佢;高Ling優雅有內涵,大家唔好畀佢哋外表呃咗,以前以為有身材就等於冇腦,佢兩個唔係,係兩者兼備,真係難得,佢哋同緋聞男友馬國明、鄧智偉都係有質素嘅人。」心穎同高Ling齊指森美脹卜卜身形最正,女人眼中極吸引。

嫌禁字太細

  森美入鄉隨俗祼浸溫泉,他笑說:「我坦蕩蕩㗎,盡量入鄉隨俗,日本人點浸就盡量跟點浸,係付出最大膽嘅一次演出,不過略嫌打出嚟個禁字太細,應該要長啲,大長禁就顯出我威風嘞!同靚女浸溫泉,為免尷尬都唔太敢望佢哋,睇落我好大隻,其實我係怕醜仔!」心穎、高Ling就話當時嚇到唔敢睇,唔知點算好。森美自爆老婆有醋意,怕他同靚女同行有蠱惑而不時追問:「好開心啦你!玩乜呀?」仲話怕佢孤獨,拍到尾聲時都要飛去搵佢,仲係自掏腰包買機票嗰隻!他笑說:「可能老婆想Check吓啲狐狸精走晒未?我唯有不時安慰佢:『佢哋唔得㗎,細路女嘈嘈閉!』」

  另因為高Ling好鍾意影相,麥美茵此程負責做Model畀佢影,但森美好衰爆佢擺極Pose都唔好睇,麥美茵即反繫,「次次見住你,啲Pose點會有少女味。」

採訪:方騫平 攝影:李權威 場地:香格里拉酒店

hd