包到冚取晚裝 iPad胸蔡思貝逼港鐵

  無線「新一代發電機」蔡思貝,早前盛傳拍《踩過界》時與人夫王浩信暗撻,搞到對方婚姻亮起紅燈。「小三」形象似層層,日前下午,見「惹火」思貝戴帽戴口罩包到實由中環搭港鐵去尖沙咀取晚裝。好瘦嘅佢穿背心僅得「iPad胸」,零妝零身材遊走鬧市,仲將口罩拉上眼皮,似乎好怕被人認出佢係「思貝姣B」囉! 採訪 : 張詠森

  26歲嘅蔡思貝,一向鬼妹仔性格,對異性「零避忌」,黐親佢嘅男藝人,通常下場慘淡,王浩信有版睇,盛傳人夫偷嗒女方,兩人閉門打邊爐gathering,男方又曾駕車夜訪香閨短敍,因而與老婆陳自瑤婚姻亮起紅燈。另外,洪永城亦有傳與唐詩詠分手,死因係暗撻思貝。「受害人」仲有同「思貝姣B」拍《踩過界》嘅對手張振朗,女方唔理「翻版Chilam」有大胸女友陳芷尤,不斷主動姣纏。

  形象咁負面,出街都係包密啲,費是被人指指點點啦!日前下午,素顏思貝獨自現身中環置地廣場,當日穿背心仔嘅佢,31B微波唔見形,慘變零波少女。零身材又戴帽戴口罩,幾乎遮晒個樣嘅思貝,喺置地兜咗圈就直落港鐵站,逼車尖沙咀,然後行去胡杏兒有份投資間婚紗店KEVOLIE取衫,準備出席頒獎禮。見店員拎出一件白色毛毛晚裝畀思貝睇,思貝check一check就離開,然後截的士走人。


hd