Shopping諗過度過 鄭秀文笑住買高筒Boots

  因為張智霖首次置業買入近億大坑大寶閣,令在該處同擁有物業的鄭秀文被追訪,佢澄清層樓係佢父母嘅屋企,所以實際係張智霖一家成為佢父母嘅新鄰居,同埋唔覺意話埋畀你聽,Sammi有層樓值近億。雖然有物業又有Cash,但Sammi買嘢都唔會玩衝動,諗過度過,屬精明系女人。 採訪 :張詠森

  好多香港歌手湧住返內地參加歌唱比賽搵錢,其實本身已經係歌手,又喺香港撈咗咁耐,同其他歌手參加歌唱比賽係咩玩法?梗係為錢啦。但Sammi就嫌錢腥,佢講到明唔會參加,因為「唱歌係一件好Relax嘅事,如果將唱歌變做比賽,我會睇唔開。」

買鞋諗清楚

  日前下午,戴住超嘅Sammi同助手去咗安蘭街嘅Rick Owens睇鞋,見佢對高筒Boots最情有獨鍾,睇完一對又一對,又不斷拎上手研究,又秤吓又幾重,諗過度過決定試上腳,然後行勻半間舖,其實一早好鍾意,但佢又坐番低諗諗,十幾分鐘後佢終於拎張卡出嚟找數,對鞋唔使五位數,好抵吖。


hd