孖好友齊造世界紀錄 李行齊望再接再厲創奇蹟

  「傑青魔王」李行齊(小齊)早前跟馬來西亞夫妻檔魔術師曾玉良(Avery) 和林翠薇(Sylvia) 成功在港挑戰魔術「100秒內完成最多組變裝及瞬間轉移幻象」。日前他趁Avery和 Sylvia返馬國前,一同接受訪問,三人都認為跟好友一齊創造奇蹟,感覺特別難忘,希望未來再一齊創造更多世界紀錄。採訪:杜淑霞

  小齊和Avery早年在魔術活動中認識,兩人一見如故,不但經常交流魔術心得,有演出都會互幫做嘉賓,小齊說:「我演出除咗會搵Avery做嘉賓外,《李行齊國際魔法城堡》都會請Avery嚟香港,幫我出任舞台總監㗎!」

不能分享舞台

  不過小齊和Avery在同一個舞台上演出,今次卻是首次,小齊笑言:「喺呢方面我好自私,唔可以同人分享舞台,哈哈!其實係大家風格好唔同,做嘉賓或者一齊創紀錄就OK。」

  講到今次成功創世界紀錄,小齊和Avery異口同聲表示,三個月前決定合作,心情比以往挑戰緊張得多,「因為係首次同其他魔術師合作創紀錄,加上兩組單位一直分隔兩地,冇機會一齊排練,我哋只靠電話溝通,加上我哋都好擔心連累對方,壓力比起個人做係加倍,好在大家都好專業,兼且互相信任,今次能夠成功創造紀錄,心情亦都加倍興奮。」

  由於今次挑戰尚有10多秒時間剩,他們都承認要創造新紀錄確實有空間,「我哋會認真考慮下可能性,希望嚟緊會繼續合作創造更多世界紀錄。」


hd