同索模分手5個月 何猷啟甜孖國產新女返家

        近日爆出22歲賭王何鴻燊四房乖仔猷君與28歲內地超模奚夢瑤蜜遊東京,姊弟戀剛萌牙,猷君嘅同父異母哥哥猷啟亦有新戀情。26歲猷啟今年5月自爆與同居5個月嘅19歲以色列籍索模Angelika Nikolaeva一年情玩完,其後何公子專心替母親陳婉珍打理內地生意,疑長駐內地關係,識到大眼國產新女。日前一連兩日,猷啟和大眼新女密會。其中一日,二人casual look並肩漫步返男方家,四目交投冧望,超sweet呢!

        平日生活貼地嘅東華總理猷啟,同索模Angelika分手要恨,刪除Ig。早排,何公子出席活動時透露目前幫媽咪陳婉珍打理內地生意,大部份時間在內地,故跟朋友合資嘅遊戲機生意交由朋友打理。其實自上月尾開始,猷啟身邊已多咗位年齡相若、大眼大口長髮新女,兩人密密見仲疑似速同居O添!日前晚上8時許,猷啟和新女各自拎支水,由時代廣場漫步返跑馬地男方寓所,觀乎二人casual look又無乜隨身物似啱啱睇完戲,而且女方唔介意喺猷啟面前零妝散髮,關係應該唔錯。兩人一直以普通話冧笑溝通,雖然無拖手,但新拖友甜到出晒面囉!

鬧市耍花槍

  另一日晚上9時許,兩人拍拖現身銅鑼灣希慎廣場。呢晚女方友明顯悉心打扮過,化晒妝着裙晒腿,仲加對垂吊長耳環及CHANEL手袋,比日前散步look成熟貴氣得多。兩人由希慎行去時代廣場等車接,沿途行到離行離迾,似耍緊花槍。大眼女面黑黑,發緊脾氣咁行來行去,猷啟就以靜制動,低頭睇手機,直至白色Benz駛到,二人分頭上車走人。

採訪 ︰ 梁志明

hd