《狂獸》內地吸7000萬 張晉余文樂 廣州謝票大受歡迎

  李子俊導演的動作電影《狂獸》,連日在北京、合肥、成都等地宣傳。昨日(14日),片中兩大男主角張晉和余文樂等轉戰廣州,突襲戲院謝票送驚喜大受歡迎外,二人繼續大談拍攝的難忘事。其中,樂仔大談拍潛水戲時的恐懼,更揚言「拍到就死!」

  率先在內地公映的《狂獸》,5日收近7000萬港元票房,第一次擔正做男主角的張晉和余文樂在廣州謝票大受歡迎,張晉說:「我一直認為作為演員,最重要係盡心盡力做好角色,導演和觀眾認同自己就足夠。」樂仔亦為新片在內地獲得好口碑,感到好滿足。

  片尾水底一幕,導演要求樂仔要整個人往下沉,像死掉一樣。本身識潛水的樂仔謂在水底拍攝好困難,要全程閉氣,且水太深,甚麼都看不見,恐懼感極強,他七情上面說:「我仲要吐晒所有氣,唔畀自己呼吸,但水不停喺鼻入,仲唔只拍一次,我不停心諗得未呀!我死㗎喇。」至於樂仔跑戲院時,有粉絲舉手投訴戲中造型不帥,樂仔隨即否定:「我就係鍾意同平日唔一樣嘅角色造型,唯一唔滿意係化妝時間太長!」


hd