甜美人妻爆閨房密事 樂基兒:老公讚我 着睡衣sexy

        37歲的樂基兒(Gaile)卸下「天王嫂」光環5年,今年8月底同拍拖兩年的「食品大王」Ian Chu於美國加州再婚成為幸福人妻。甜美人妻重新出發,喺新片《女士復仇》中,Gaile嚟個形象大革新,不僅扮飛虎隊madam,仲獻出唔少「第一次」!包括做情傷「小四」、講中、英文粗口,甚至被綑綁在牀上,被迫和飾演弱智男嘅泥鯭@Rubberband玩「SM洞房」。問她新婚生活,Gaile放閃自爆:「其實一件好密實嘅睡衣,老公都讚我好sexy!」嘩!鬼妹仔突爆密事,唔怪得連導演火火都忍唔住讚人妻「傻傻地好cute」啦!

眼前的樂基兒,表情趣怪又似開籠雀,唔通現任老公仔Iano氹得她好開心?Gaile一味甜笑:「我哋無乜特別情趣,都係煮飯仔囉。」在旁導演火火卻踢爆,指Gaile好率性,傻傻地好cute,好記得有次在酒店內取景,她着住性感裝扮,兩腳fing fing托住個頭問導演:「做緊乜呀?」轉個身又躺卧牀上睡覺及做運動,因為都幾性感,睇到幾個劇組大男人呆住,火火笑說:「佢個老公應該幾滿足,幾開心。」Gaile「放閃」自爆:「其實一件好密實嘅睡衣,老公都讚我好sexy!」

牀上做運動

  新片《女士復仇》演受情傷「小四」,當問到現實中可有受過情傷時?nice爆嘅樂基兒坦承係有:「每段感情都係會有小小hurt,當係一個經歷。」現實生活中,Gaile大方話唔會去復仇。至於拍戲最難係講中文,包括粗口,幸拍攝時每日都有進步:「今次試新嘢做打女有好大挑戰,做到好有滿足感。反而拍禁室培慾場戲唔難,因為雙手被綁住郁唔到感覺好痛,而且吊住條頸兩個鐘頭,自然好唔舒服,好配合到導演要呢個感覺。老公思想好開放,好支持我任何拍戲等開心想法,因為想鍛煉腹肌,今日先玩完鋼管舞,手腳都撞到瘀晒。」

採訪:方騫平 鳴謝:香港亞洲電影節




hd