《溏心》系列燃亮演藝生命 李司棋自爆想收山

        由監製劉家豪打造的TVB新劇《溏心風暴3》,延續《溏心》系列口碑,繼續由夫妻檔李司棋及夏雨兩個好戲之人帶出「奶茶王」嘅故事命脈。67歲嘅司棋姐成為主軸,當中有同米雪、關菊英爭鬥引發激烈吵架場口,又有怒摑做「小三」的女兒陳敏之及因財失義弟弟黃宗澤,絕對有戲做!她坦言拍得過癮,拍完後卻有失落感,甚至自爆諗過將《溏3》視為告別作,希望見好就收。

《溏心風暴》系列燃亮了李司棋的演藝生命,直言能添上唔少色彩。不過今次的「火姐」、「正媽」性格跟以前的「大契」、「荷媽」不同,以愛出發,超越她底線才會爆,絕對唔係食老本!演技上難唔到司棋姐,唯獨要學習潮語,她大笑說:「比如有句『一定係,除非唔係!』我仲以為劇本抄錯話咁樣寫唔成立喎,懶聰明去修正對白,好搞笑呀。」

  記者取笑司棋姐都是社交平台的「黑絲潮人」!對此,她否定係潮着黑絲,解釋說:「認真講係黑網襪,因為我條腿好有肉地,我唔鍾意被箍住,朋友介紹着黑網襪唔會箍身,著落又真係好好feel。當日開IG唔係迎合分享症潮流,都係想搵個渠道去分享靚相。」

  07年,司棋姐憑《溏心風暴》中「大契」一角奪得視后,翌年的《溏心風暴之家好月圓》就拎「我最喜歡的電視女角色」,對於新作,她謂無諗過再度封后:「其實最緊要係演得興奮啫,我非常珍惜呢個戲,阿婆年紀仲有咁多戲做,係一個美好回憶。2014年離開無線時視《脂胭水粉》為告別作,點知又有機會再拍經典《溏心》系列係世事難料。有日我跟總監製劉家豪講『我呢個年紀好難有再好嘅角色,係咪要我收工呀?』家豪哥即保證日後寫更多好劇本畀我過足戲癮。」

採訪:方騫平 場地:尖沙咀鴻星酒家

hd