英著名化妝師 求指點迷津 李丞責博士揚威國際

  著名玄學風水專家李丞責博士,從事玄學三十多年,早已衝出香港,其中2011年成功預測日本福島海嘯,其後每年都有唔同日本媒體或藝人嚟港採訪,今年亦唔例外,吸引到日傳奇藝人紫吹淳聯同關西電視台,搵師傅訪問。另外,連近日嚟港嘅英國著明星級化妝師Charlotte Tilbury,事前都搵人搭路約見李博士,結果兩人開心會面逾三小時,Charlotte獲益不少。 協力 ︰ 林書鉉

  李丞責博士每年嘅運程書,曾作出過好多準確驚世預言,其中2011年準確預測日本海嘯引發的核危機,及至三月日本海嘯後,運程書被搶購到脫銷,亦令日本人嘖嘖稱奇,開始有日媒來港採訪。上周,被日媒稱之為傳奇藝人的紫吹淳(原名棚澤理佳)聯同關西電視台來拍攝特輯,因利成便亦約了李博士拜會其辦公室。68年出生的紫吹淳跳舞出身,至今在影視圈吃香,仍是單身的她向李博士查問事業、婚姻和健康等未來動向,笑談半小時。李博士說:「多年嚟都有好多日本藝人低調嚟搵我指點迷津,日本人面對生死嘅態度開放,仲會問吓『幾時死?幾時收山等?』而紫吹淳都着緊自己嘅姻緣,我同佢分析過以前和O依家嘅男友,都有畀啲建議佢。」

  連續6年接受日媒採訪的李博士,日前更有英國名人嚟港求見。替好多荷里活名人紅星化妝的Charlotte Tilbury,前日來港出席自家化妝品牌下年進駐連卡佛的宣傳活動時,亦搵朋友穿針引線求博士指點迷津。李博士謂:「本身有第六感嘅Charlotte對中國文化一直有興趣,佢品牌愈做愈大,市值約有百億港元。早兩年佢透過朋友翻譯,睇過我嘅運程書,發現嗰兩年講佢嘅嘢全部好準,就開始想見我,問私人嘢之餘亦尋求一啲攻港和發展內地嘅意見。經過一段時間,今次嚟港活動,就終於約到我,前晚我搵埋太太Sandy(劉倩婷)做翻譯。」李博士夫婦和Charlotte開心暢談,傾足三小時做了好朋友。


hd