失落金馬最佳導演 許鞍華掃NustO氹自己

  屢獲最佳導演嘅許鞍華,於剛過去嘅周六台灣金馬獎中,輸畀內地導演文晏,失望而回。日前晚上,許大導無損心情,獨自去銅鑼灣city'super掃零食,見佢買咗多包蝴蝶脆餅、腰果,花生等nuts和兩盒代糖,原來70歲人仲好like食「香口嘢」O架!

採訪 : 梁志明

  早前,許鞍華執導嘅電影《明月幾時有》,搵嚟同佢合作過嘅好戲之人葉德嫻(Deanie姐)演重要一角。

  兩人2011年憑許大導執導嘅《桃姐》連奪台灣金馬和香港金像獎等最佳女主角和最佳導演獎,呢兩個「最佳陣容」日前攜手出戰台灣金馬。

  在《明月》中,Deanie姐演抗日情報員周迅嘅母親,個性刀子嘴、豆腐心,和周迅有唔少母女情深嘅溫馨戲份,感人至深,成大熱「最佳女配角」。惜最終Deanie姐輸畀《血觀音》嘅14歲文淇。最佳導演亦由內地導演文晏憑《嘉年華》贏得。

  輸一仗但無損心情,日前晚上7時,見許導一身便裝加紅唇現身時代廣場超市掃貨。早已買咗袋uniqlo嘅大導演,喺超市揀了兩盒零卡路里嘅代糖,之後就主攻「香口零食」,揀了幾包蜂蜜芥末腰果、花生和蝴蝶脆餅等,私底下愛食脆口嘢。

  其後,左一袋、右一袋步出,連張單都無手放落袋。


hd