碌爆人情卡邀祖兒小S助陣 謝霆鋒走勻全球挑戰名廚

  謝霆鋒主持的飲食節目《十二道鋒味》第四季將於本周六(9日)首播,這季霆鋒將聯同星級好友容祖兒、Twins等走遍香港、挪威、泰國等地尋找美食。霆鋒昨在北京出席《鋒味》記者會時,直言這次與世界各地名廚挑戰廚藝,經驗難得外,每次也有進步。本報記者

  謝霆鋒醉心廚藝,更晉身為「米芝蓮之友」,日前應邀出席米芝蓮主辦的晚宴,即場Chok爆示範唧朱古力,該片段除被網民瘋狂洗版外,張敬軒和鍾舒漫更拍片向霆鋒致敬。霆鋒主持的《十二道鋒味》第四季將於本周六(9日)首播,霆鋒昨日飛抵北京出席該節目記者會。

  記者會上先播出一條宣傳短片,片中可見霆鋒帶住一班圈中好友容祖兒、Twins、小S(徐熙娣)、陳偉霆等,再加上八名「鋒廚」走遍香港、挪威、雲南、泰國、紐西蘭、澳門、義大利等世界各地,與頂級廚師挑戰廚藝和美食鑑賞。

  講到這次走勻半個地球,霆鋒坦言:「今次去到世界各地同其他名廚PK,係一次難得嘅經驗,每一次嘅經驗都取得該有嘅進步。」至於《鋒味》總製片霍汶希就話:「為咗拍《鋒味》,霆鋒推咗好多部戲,入面請嘅藝人嘉賓,如果要以市場價去計,節目根本做唔到,因為太貴啦,所以都係靠霆鋒咁多年累積返嚟嘅人緣先請到。」


hd