認同香港樓價貴 張智霖笑言住遊艇都幾好

  連詩雅(Shiga)、穿貼身透視露背連身裙的鍾浠文(Zelia)及張智霖(Chilam)昨晚出席遊艇活動,後者更擔任表演嘉賓獻唱,不久前豪擲9,180萬元購入2,456呎高層豪宅的Chilam認同香港樓價好貴,買遊艇住都係一個好選擇,另他提到買車買得恰當是一種投資,可以賺錢。

  張智霖(Chilam)昨日出席遊艇活動時坦言睇新聞先知余文樂結婚,他表示恭喜樂仔去到人生另一階段,完全不知他是否雙喜臨門,因為好少聯絡。問到會否約阿樂食飯慶祝,他稱要拍戲拍到明年2月才有假期。

享受出海

  另Chilam又談到好多人覺得買車好奢侈,但他就認為如果買得恰當是一種投資,唔會蝕錢, 而他亦曾買限量版車,通常愈耐愈唔蝕,恨自己韌力不夠,只能平手離場。對於遊艇,Chilam表示亦會考慮買,因為佢鍾意水上活動,而最重要係「出海好平靜,想遠離有WiFi地方。」對於老婆靚靚會唔會批准?Chilam覺得老婆應該無問題,「呢啲享受都係畀佢哋,自己就冇樂趣,要同家人同朋友分享。」


hd