吳若希被老公質疑營養不良 黃翠如唔敢反擊農夫

  黃翠如、吳若希(Jinny)及林珊珊兩名女兒李澄(西瓜)跟李怡(野人)等齊性感出席酒店開幕活動。對於在節目《Do姐再Shopping》中被農夫蝦得好厲害,翠如笑言唔敢反擊,怕反一吓會被兩人抽水抽到體無完膚。

  因為節目收視好,翠如好開心仲打算一齊食飯慶祝。對於農夫經常在節目中抽水笑她與男友蕭正楠,翠如笑說:「係靚抽呀,抽得好好,有啲押韻,其他人講出嚟無咁好笑。」問到點解唔反擊?佢話,「反一下抽多一次,會體無完膚。」

  而Jinny自爆所穿嘅裙佗B前已買下,無諗到會咁鬆。問是否湊B太辛苦?Jinny說:「唔係,之後都要增肥,屋企人嫌我太瘦。老公有問我係咪營養不良,叫我食中藥補吓。」


hd