長Keep海潮Look 溫碧霞跌膊跌足26年

  除了亞視永恒外,海潮亦是永恒的。90及00後對92年電視劇《火玫瑰》應該成頭黑人問號,咩劇名咁老土?你咪理,當年溫碧霞憑此劇爆紅,其無限跌膊Look更是當年港女至愛裝扮,但26年嚟潮流不斷轉,我們50有1的碧霞姨姨仍然Keep住跌膊,呢種堅持實在令人感動。 採訪:張詠森

  的確,51歲的碧霞姨姨依然好索,身材仍有濃濃少婦味,白白淨淨,條腰半點脂肪都無,肚腩完全無見過,51歲喎,係勁嘅。最難得佢份人好大方,剛過去嘅除夕,佢一家三口加朋友去咗塞班島影寫真加玩,姨姨狂貼三點式泳衣相上網,樣又靚又好身材老公仲要好有錢,公平咩?

玩試衫

  除夕前,喺ifc發現姨姨,應該係發現姨姨嗰個熟悉嘅膊頭,無錯,姨姨當日着住長身跌膊冷衫加長Boot,海潮signature裝扮,佢喺可愛又玩嘢嘅Alice + Oliver品牌睇春夏裝,試完露背白背心加花裙再試連身裙,喺店內試足一個鐘先離開,然後再去對面45R睇外套,睇完再去連卡佛繼續試衫。


hd