一家澳門過聖誕 陳鴻業返港有大肚靚女陪

  名媛鄭詩韻(Michelle)早前先同老公陳鴻業(Alan)及兩子過澳門溫馨度聖誕。日前下午,其夫Alan就偕大肚大眼靚女去銅鑼灣時代廣場超市買餐具。不過Michelle放心啦!人夫全程與大眼女無親暱舉動,斷估陳生有頭有面,又對太太一條心,唔會公然「偷食」囉!採訪 ︰ 梁志明

  布廠太子爺兼Total Sports體育公司創辦人陳鴻業,08年與名媛榮文蔚表妹Michelle共諧連理,婚後育有兩名現年分別7歲和6歲嘅兒子,一家四口不時連體現身,非常溫馨。

  日前下午4時許,Alan與一名化晒妝嘅大眼靚女現身銅鑼灣city'super。女伴身穿黑褸黑裙,乍見腹部隆起,約有5、6個月身孕。二人埋首揀刀叉、筷子等餐具,似為開party上貨。買完一堆餐具、零食和樽裝水,男方就負責結帳,雙雙走人。


hd