自爆分手孤獨過節 上山女Hilary同男友仍然癡纏

  上山詩鈉女兒Hilary Fan現於美國升學,但每逢放假,她必會回港陪媽咪兼做model搵外快。交過中東及泰籍男友的她,去年暑假時跟大隻華裔男友拍拖,估唔到戀情只有年幾貨仔。日前出席活動時Hilary自爆已回復單身,仲話好彩聖誕新年有朋友及家人陪伴,所以唔會寂寞。但日前下晝,記者見到佢同「舊男友」黐到實,約完Friend喺銅鑼灣飲嘢吹水,離開時一上的士就變連體嬰,分咗手仍然好癡纏。 採訪:梁志明

  Hilary前年初與拍拖約兩年的中東籍男友Rafic分手後,相隔四個月便戀上泰籍靚仔男友Gunny,兩人愛得甜蜜,不時在社交網放閃晒恩愛。她自去年生日上載與男友Gunny和媽咪慶祝的照片後,就無再見到Gunny,社交網換來跟大隻男友的合照。但日前Hilary出席活動時,卻稱已回復單身,仲話未有新追求者出現,自己亦唔心急拍拖。

有男友但單身

  話就話分咗手,但日前下午4時許,Hilary約女友人到Starbucks飲咖啡吹水,同場亦見佢話分咗手嘅大隻男友。其間Hilary與女友人傾得好開心,又攞手機睇相,「舊男友」一直坐喺度陪笑,過了愉快的一小時再一齊離開,女友人同「分手情侶」各自走,後兩者搭的士趕下場。一上車,「舊男友」即黐到Hilary實一實,頭貼頭、面貼面,好鬼癡纏,又話分咗手嘅?


hd