爆肌爆出個未來 余德丞被封「上位小鮮肉」

  在劇集《誇世代》最近的人氣話題,肯定是尚家少爺仔「Ocean」(余德丞),游水時大騷42吋胸肌一幕。身為香港前游泳代表的余德丞,更因這個高富帥角色,加上討好外形,即時被封為「上位小鮮肉」,年屆28歲的他坦承不好意思,但開心踏出觀眾認識第一步,下一步當然是叫得出真名「余德丞」啦!採訪:杜淑霞 髮型:Adrian Au @ Hip Hair Culture

  若論幕前演出,余德丞絕非新人,13年開始主持TVB體育台節目,之後又主持埋兒童節目《Think Big 天地》、《Think Big 大明星》及《Think Big 遊學團 》,令更多人認識肯定是16年主持里約奧運,還因而跟麥明詩傳緋聞。

冧運動型女仔

  不過講到拍劇,「Ocean」確是首個重要角色,「最初好緊張,好怕連累其他演員,好在有戲裏嘅媽咪美儀姐提我,好似我見到成班屋企人,我第一時間應該係行去最親嘅人身邊,呢啲細節好似好簡單,但係一世受用。」對於被封「小鮮肉」,余德丞覺得算是個好開始,「起碼大家對我有印象,O依家會叫我『 Ocean』,當然最希望將來大家叫得出我個名啦!」不過成名的代價,他還是未太適應,譬如被起底現實一樣高富帥,有幾層豪宅揸手,又是郭富城鄰居,「真係未習慣啲新聞,不過我父母都係打工,只係小康之家,物業係同佢哋聯名,自己又未夠6呎,所以唔算係高富帥嘅。」談到跟麥明詩的緋聞,聲稱單身的他澄清兩人只是朋友,講到揀女仔他不重外表,「性格開朗,運動型嘅女仔比較啱我。」


hd