頒獎禮多奪創作獎 林奕匡學跳舞爭男歌手

  林奕匡(Phil)最近為宣傳推出新碟《My Taste Of Life》,將舉行入行以來首次戶外「草原音樂分享會」,等歌迷邊野餐邊聽歌,令他相當期待。今年Phil在樂壇剛舉行的頒獎禮共奪4獎,主要在創作歌手方面,熱愛創作的他雖然好滿意成績,但未來目標會放在歌手獎,更打算學好跳舞,令自己演出更吸引。

撰文:杜淑霞 攝影:李權威

  以往Phil跟歌迷都舉行過不少聚會,但戶外活動從未試過,所以今次令他特別興奮,「其實我公司都係首次搞咁樣形式嘅活動,喺咁靚嘅大自然環境,同歌迷一齊野餐,再聽吓我嘅新歌,又食又唱,應該會幾好玩,真係好期待。」

先過二人世界

  今年Phil在四大頒獎禮共奪得4個獎,有3個是創作歌手獎,他都相當滿意,「本身我真係好鍾意創作,就算無得獎自己都會堅持創作,所以真係好多謝初來港發展時,監製舒文提點過我將會遇到嘅困難,反而令我低潮時無咁難過。」展望明年,Phil坦言想挑戰男歌手獎,「我好希望有機會得到歌手獎,所以亦好替(陳)柏宇高興,自己都想親自感受吓,但係我唔心急嘅,慢慢嚟啦!」而新一年Phil他希望學跳舞,「我想令自己舞台演出會更好睇,更多元化。」談到新一年會否打算做老竇,Phil就坦言想先過兩年二人世界,好讓自己和太太在事業上衝刺一下。


hd