郭藹明唔係成日咁嗲豬 劉青雲溫馨扶老婆上車

  劉青雲同郭藹明結婚19年,兩個絕對係娛圈恩愛夫妻榜頭三名Couple,仲因50歲郭太Keep住嗲老公嘅甜行為被傳媒影到而兩次登上雜誌封面,周家蔚應該好羨慕。日前晚上,劉氏夫婦喺圓方睇完戲,兩人去咗W酒店旁等候七人車,幾分鐘時間,劉太無話撒嬌摟抱抱又無話攬錫,有車到,青雲先扶老婆上車自己先上,結婚多年都保持住咁體貼,的確難得。 採訪:李權威

  15年,劉青雲憑《竊聽風雲3》奪金像獎影帝,台上難得地公開發表「太空船論」多謝老婆,台下嘅劉太感動到眼濕濕。另外,青雲之前接受訪問時提到兩公婆從來無諗過要小朋友,因為「好珍惜二人世界,陪老婆行街市,有老婆陪喺身邊,係我最開心、最好嘅減壓方法。」港女齊齊心心眼讚好。

體貼的青雲

  當晚8點,戴住口罩嘅青雲同老婆喺圓方睇完戲行去等車,雖然前者有口罩護體,但劉太無遮掩,所以等車時好多人望住,覺得唔聚財嘅劉太即刻撳電話催司機快啲到,兩分鐘後七人車駛到面前,兩人急急腳上車,但急還急,青雲仍然記得要輕扶老婆上車先,會唔會太體貼呢?


hd