重140磅餵人奶 孫慧雪難頂暴脹嗌減肥

  前33C宅男女神孫慧雪(雪雪),自前年12月大肚下嫁圈外有米男友Edwin Lo,去年7月誕下8磅10重磅B仔Riley後,因Keep住餵人奶,唔敢修身,以往有腰有胸好有線條嘅魔鬼身材,依家變成一團肉,女神崩壞,體重接近140磅。日前下午,產後半年嘅雪雪獨自去銅鑼灣shopping,深色衫褲都難掩圓碌碌身形,加上三下巴好厚肉,肥到無頸。搞到35歲重磅媽咪雪雪近日都大呻想減肥,想搵返女神S shape返嚟呀! 採訪 : 梁志明

  去年7月,孫慧雪趕及做高齡產婦前(35歲)誕下8磅10重磅B仔Riley,由於雪雪婚前已有幸福肥,產後要餵人奶,不停猛食肥上加肥,兩個月前高達130幾磅,連佢自己都話目標想減廿磅,又話B仔四個月大時重20磅係巨B,每餐飲人奶加奶粉,好鬼大食。日前,產後第一次行Catwalk嘅雪雪上圍逼爆、手臂粗壯,變咗肥師奶,佢都直認生完後手臂、Pat Pat、成個人都脹咗。

錯過黃金修身期

  雪雪為咗半歲大寶貝仔Riley而錯過產後六個月內嘅黃金修身期,日前下午,佢變身肥師奶獨自行銅鑼灣。穿上深色tee闊桶褲嘅雪雪面圓身圓,真係成個波咁。見佢買咗袋zara衫後,走咗去Sogo化妝品部,揀貴價LA MER嘅粉底液和唇彩。喺手背試吓粉底色後,未幾即碌卡找數,買得好爽手。其後,脹爆人妻一邊睇手機,一邊行去總統戲院方向搭的士。微微低頭時驚現三下巴,且面頸變乎「一家親」,肥到無頸,睇見都幾驚,概歎昔日女神大走樣囉!

hd