同交響樂團首度合作 太極樂隊自爆夢想成真

  太極樂隊成軍33年開過無數次演唱會及巡演,不過4月在紅館舉行的《太極交響狂熱演唱會》有別以往,太極首度與交響樂團Crossover演出。成員Joey Tang(鄧建明)爆料:「o依家我哋先鬆一口氣,當初主辦單位再邀請我哋演出都好擔心,我哋做過咁多次show,《留住我吧》大大話話都唱過幾十次,真係唔知有乜新嘢好搞,但冇理由有錢都唔賺啫,好彩老闆肯投資開管弦樂演唱會,我哋即時放心晒,有過百萬歌酬袋,又可以達成夢想玩到盡,愈諗愈興奮。」採訪:方騫平 場地:美麗華酒店

  去年太極樂隊攞咗港台十大中文金曲最高殊榮「金針獎」後,工作量就冇停過,挾住聲勢再獲邀開演唱會,而且今次台上有幾十個樂手伴奏,好架勢。Ricky(朱翰博)形容係夢想成真,因為細個睇搖滾Band Show係有管弦樂團襯住玩live;Joey話平日演唱會雖然有管弦樂,但玩得到喉唔到肺,今次可以到喉又到肺!加埋有靚聲係一個Hi-Fi 靚聲演唱會。Gary(唐奕聰) 要帶領管弦樂團狂野一晚,尤其是他和Joey都做過演唱會音樂總監,腦海直情有晒畫面,感受到會好爆,好搖滾。

七子或者齊人

  Patrick相信會同觀眾打成一片,呼籲觀眾可帶埋跳舞鞋入場狂歡。」Joey仲自爆會有視覺享受,當問到係咪有性感美女樂手時?他大笑說:「呢啲由Ricky哥搞。」Ricky坦言咁大團人總有靚女嘅,不過唔好齋睇樣,技術都好重要。被追問係咪好似戴夢夢時?Gary即抵死說:「佢嘅品味我哋都信得過嘅!」Ricky顯得好尷尬。至於到時太極七子是否齊人?長居外地的雷有曜(Albert)可會回歸呢?Patrick(雷有輝)笑說:「佢要計吓數,睇吓大家對佢掛念有幾深,咁大家可以表達吓。」Joey則鬼馬說:「夾小小錢落佢銀行戶口囉。」


hd