重演《29+1》舞台劇 彭秀慧望電影帶挈觀眾入場

  剛憑電影《29+1》獲香港電影金像獎提名「最佳導演」、「最佳編劇」和「最佳新晉導演」的彭秀慧,最近宣佈重演舞台劇版《29+1》,繼續一人分飾兩角親自演繹。她希望藉着電影好成績,能吸引觀眾認識舞台劇藝術,她更會以原汁原味內容呈現舞台,但她認為相隔5年再演,心態成熟了演起來將有所不同。 採訪:杜淑霞         髮型:Kenki @ Muse Hair

化妝:Angel Mok 服裝:Paule Ka from THE SWANK 場地:MioXpace

  以為彭秀慧因電影成績好而重演舞台劇,她解釋這次並非她主導,「我本身無計劃,反而係有製作單位搵我,我先至去諗再做。不過,呢個安排都幾好,相信好多人睇完電影版都會好奇,原裝嘅舞台劇究竟係點樣?或者咁樣可以吸引多啲人去睇舞台劇,希望令佢哋會繼續欣賞劇場嘅作品。」

幕前幕後都照做

  電影版的《29+1》由周秀娜和鄭欣宜分飾「林若君」和「黃天樂」,而舞台劇版都由彭秀慧一人包辦,已演繹了91場的作品,她不打算作任何改動,「我諗用番原汁原味最好,所以內容唔會有咩轉變,最多係佈景同服裝嘅改變,不過我有好長日子無再做過『林若君』和『黃天樂』,自己心態成熟咗,演繹起嚟肯定會有唔同。」完成演出後,彭秀慧將會到紐約遊學3個月,「我係攞咗獎學金去,呢段日子會狂睇騷同埋書,吸收更多新靈感,希望可以帶多啲新創作返嚟。」她又表示會朝着導演的路進發,但不會放棄做演員,「導演方面自己仲係好初哥,都想放多啲時間去嘗試,但我唔會放棄幕前演出,有合適機會都會繼續演。」


hd