收錄歷年珍貴片段 big big channel 「大台寶藏」 今日有得睇\

  TVB旗下手機直播應用程式big big channel將於今日推出全新專區「大台寶藏」,內裏輯錄TVB過去五十年所有經典劇集、綜藝節目、娛樂新聞節目及大型特備節目等的經典片段,可以睇番當年嘅周星馳話你知咩係人日歌及七菜羹,珍貴度達頂級。「大台寶藏」專區陸續上架,觀眾可以隨時重溫及回味昔日寶貴的電視片段。

        上周五,TVB為big big channel「大台寶藏」舉行記者會,現場率先播放多段經典片段,包括:16歲時嘅陳山聰參加1992年《歡樂今宵》「劉德華模仿大賽」及剪輯了多位紅星賀年片段的「星光燦爛賀新歲」。出席記招的陳山聰重看自己當年嘅比賽片段好興奮,仲話,「一直想睇番段片,而家喺big big channel有得睇,好開心。」

山聰讚自己大膽

  提到當年比賽,山聰話自己係超級華仔迷,好記得當年搭地鐵去九龍塘再行去廣播道報名,「我係最後一個參賽者,唱咗兩句《長夜多浪漫》就叫我走,兩日後收到電話話我入咗圍。」山聰仲透露因為姐夫做電影美指,所以好早已認識劉德華,比賽當日,華仔見到佢仲問佢︰「你喺度做乜呀?」最後雖然輸咗,但山聰話對佢嚟講係一個好美好嘅回憶,仲疑惑自己當年點解可以咁大膽?撰文:廖思慧

hd