與細仔學整蘿蔔糕 羅霖去法國滑雪過年

  羅霖(Candy)與細仔Jonathan過年前跟大廚學整蘿蔔糕,她稱以前有幫媽咪整,但唔算好叻,所以希望學識咗可孝敬母親,難得Jonathan近年愛上煮嘢食,與以往經常下廚的Candy非常合拍,整了約兩小時便完成。事後Jonathan表示有少少難,但就好好玩,平日他愛炒蛋和煎牛扒,Candy希望Jonathan學識整自己至愛吃的海鮮就好了。撰文:李佩儀         攝影:李維隆

化妝:Peggy Tsui        髮型:Jay Cheung (Hair Salon)        服裝:Ranee_K 場地:圃公館

  拿手煮鮑魚的Candy自回復單身後,因要搏殺搵銀而少了時間下廚,但每年仍會抽空幫媽咪整年糕、蘿蔔糕和辣椒醬送贈親友。過年前個幾月她便開始辦年貨和買年花,問她會買新衫嗎?她笑言:「以前就有,O依家通常幫三個仔買,我只會買新鞋,因為新正頭唔買得。」今年的農曆年她還有假放,「大年初一同父母拜完年就同Jonathan坐夜機去法國滑雪,由於得佢鍾意滑雪,兩個哥哥都唔去喇。」回港後她會繼續忙生意和拍戲的工作。

過年唔想提前夫

  問她感情生活如何,她坦言今年仍要專注工作冇時間拍拖,「我諗要等大仔Nathan和二仔Jordon三年後大學畢業才考慮拍拖,因現時三個仔讀書一年學費都要幾十萬。」儘管她現時有生意和商演收入維持,但左手入右手出根本好難儲錢,所以置業計劃都要押後。問前夫劉坤銘有幫手嗎?她笑言:「新年流流唔講呢啲。」難得現時還有兩個追求者表示會等她,包括內地富二代王嶠(J君),她坦言都希望未來有個伴,一切隨緣!


hd