辦年貨自己話事 諸葛紫岐親自買蘿蔔糕

  老公係Neway二少,自己又係娛樂公司老闆,諸葛紫岐好忙,忙到佢話舊年過住「空中飛人」嘅生活,不斷四圍飛。但佢幾忙都好,自己屋企年貨自己辦。採訪︰張詠森、梁志明

  年廿七下晝五點,ifc超市內迫滿人,有人買餸,但大部份人係買年貨,即係賀年糕點呀,送禮糖果呀同賀年裝飾等。係人潮間見到戴住黑超嘅諸葛紫岐同佢嗰位戴眼鏡嘅老公。

無試食即買

  見佢一入超市即行去買賀年糕點嘅攤位,逼吓逼吓就逼咗去前排,佢手指指189蚊嘅蘿蔔糕,無試食,然後店員就畀咗張紙叫佢畀錢,咁辛苦先逼到去前排,當然唔會又出又入,老公喺人潮後,當然負責去找數,畀完錢拎完糕,薛太急急腳行,好似好趕時間。


hd