率先體驗全新英皇戲院 衛詩雅洪卓立憶難忘趣事

  衛詩雅、陳家樂、洪卓立和女友湯怡日前到全新屯門英皇戲院,率先體驗戲院嶄新設施,憶起過往睇戲難忘趣事。衛詩雅兒時入舊式戲院睇戲被掃腳,「2D變4D」,原來櫈底有貓行過,而洪卓立兒時就睇《侏羅記公園》被嚇到半場就閃。

  衛詩雅、陳家樂、洪卓立和湯怡早前率先體驗戲院嶄新設施,原來他們每星期都會入戲院睇戲,衛詩雅、湯怡、陳家樂作為演員,當然要吸收不同演員的演戲方法,而主力唱歌的洪卓立就愛陪湯怡睇戲。而他們曾有戲院特別奇遇,衛詩雅在未有4D戲院時,已經感受過「4D效果」,「細個屋企附近有間舊式戲院,座位是木櫈,有次我睇睇吓戲,覺得櫈下面有嘢『撩』我隻腳,原來有隻貓喺我腳邊行過!我覺得幾好㗎,等如而家有4D效果,突然之間有嘢掃你隻腳!」

  洪卓立就笑言:「細個第一次入戲院睇《侏羅記公園》,由於太緊張同埋被音響嚇親,尤其是恐龍聲,所以我睇到一半就走咗啦!」而湯怡亦唔襟嚇,睇恐怖片被音響嚇到大叫,「全間戲院得我一個尖叫,嗰刻都幾尷尬。」而陳家樂則因大懵而斷送姻緣,「試過有兩次約女仔去戲院睇戲,我約佢去A戲院,但我自己竟然去咗B戲院,搞到最後呢段『愛情』無疾而終啦!」


hd