老公大病初瘉 譚小環「魚蛋王國」再開兩分店

　　去年尾，譚小環老公蔡強榮(Eric)患上初期肺癌，經手術及休養後已康復了九成，兩公婆決定繼續拓展「魚蛋王國」。前晚，兩人在春茗中向40位員工及股東宣佈，今年7月將分別在九龍灣及東涌地鐵站開舖，6間「渣哥」遍佈港九新界，下個目標會向機場進發。採訪：方騫平

　　前晚，小環在銅鑼灣一酒樓筵開3圍春茗，Eric大派開工及員工花紅利是，老闆娘落手落腳做宣傳，獲大利是一封。另今年加插員工抽獎環節，送出10份家電，最後還加碼額外有封千元現金獎，為員工送上驚喜。

　　Eric表示，去年業績穩定，所以員工有花紅派，但股東的花紅就會投資在新舖中。不過，因為食材、人工及租金不斷上漲，故今年會凍薪。對於獲批東涌及九龍灣地鐵店舖，Eric坦言舖租唔平，單係按金都要支付半年租金，兩間共投資300萬，較原有投資貴3倍！大病初瘉，問他能否撐得住？賢妻小環即說：「重任應該交畀我，我係鋼條型，應該頂得住。」