憑感覺去嫁 卓韻芝唔知未婚夫搵幾多

  卓韻芝去年宣布「出櫃」,但剛推出的新書《峰迴路轉》卻自爆婚訊,與相戀3個月的圈外男友「閃電俠」拍拖首日,連手仔都未拖過即在電話中成功被求婚!曾自殺、「出櫃」、甚至被求婚7次,今次卻突然閃嫁,阿芝形容人生真係好峰迴路轉。她坦承,至今唔知未婚夫搵幾多、有冇物業及幾多身家:「愛情唔係搵庇護地方,我係要搵個愛我,錫我嘅人,唔係要畀錢我使。」呢個係阿芝愛情大原則。 採訪:方騫平

髮型:Sam pan @ Muse Hair 化妝:Shuen Kong 服裝:OneAndTwo

  卓韻芝出過多本著作,新書長達年幾先起到貨,因為希望思考期長啲本書寫得更深入,直至去到出書前3個月先搵到骨幹同方向,所以不眠不休,日寫16小時足足寫咗10萬字,笑言字字有血。

唔需要未婚夫下跪

  由於寫書中途出現未婚夫,所以呢本書別具意義,她亦乘機透過紙本交代人生路向,她冧爆說:「當肯定出到稿時我先畀男友睇關於佢嘅文章,佢睇完笑笑口話:『筆下嘅我有冇咁好呀!』我回應:『哈!你唔好理我啦。』咁其實佢同我好夾,又好錫我婆婆,會畀我婆婆老點抹地。」問到要否補返跪地求婚?阿芝即說:「唔好跪啦,我咁愛佢,我唔要佢人生同任何人跪低,別跪下!而且佢都唔想跪喎。」至於被問到跟同性和異性戀愛分別?她強調沒有分別,因為只係同一個人相處,鍾意咪得囉。


hd