登台搵銀過肥年 林雅詩緋聞男友間護駕

  林雅詩於農曆新年其間在廣西等地登台,她表示過程中最大得着是認識好多內地村莊和當地文化。早前到其中一站化州中垌鎮演出時,該鎮就有個傳統習俗叫「年例」,大家會食豐富的家鄉菜和燒炮仗慶祝,真係好開心!

  演出期間最難忘是fans太熱情常造成混亂,「有時佢哋為咗搶到你手上嘅相或小禮物而推撞,台前有好多燈都危險㗎!仲有fans跟我返酒店,不過我冇同佢入同一部電梯。」問緋聞男友馬天樂有陪她去「護駕」嗎?她笑言:「間唔中喇,因為佢喺香港都有好多賀年舞獅嘅工作,幸好全程有女助手陪住咋。」

撰文:李佩儀




hd