杜汶澤煮九大簋 田蕊妮落手又分頭買餸

  視后田蕊妮日前屋企大宴親朋,其夫「小杜大廚」要煮17人dinner,咁大陣仗,兩公婆齊齊煮外,仲要分頭買餸。見阿田下午輕輕鬆鬆去銅鑼灣老字號買一袋仔嘢,有女助手車出車入,然後晚上再會合丈夫齊齊撐枱腳,好溫馨O架!

採訪 : 梁志明



  好戲派嘅田蕊妮早前話短期內會暫停拍劇,皆因佢經好友坤哥(吳業坤)穿針引線下,簽了他所屬嘅唱片公司星娛樂,嚟緊會出三首新歌,重拾歌手身份喎!唔使忙拍劇,人妻新春其間就陪愛下廚嘅老公喺愛巢請客。之後杜氏夫婦就飛咗去台北蜜遊,撞正宜蘭發生5.3級地震,當時身在台北按摩緊嘅二人都feel到震動,田蕊妮還一度以為有人撞門。

  日前,小杜大廚話要一個人煮17人飯,包括79度慢煮豉油雞、豉油皇大蝦、南乳齋煲和一堆冷盤,愛妻就負責清燉獅子頭和田家燉元蹄等。早一日,兩夫婦就分頭去買餸,見化咗妝嘅杜太現身銅鑼灣老三陽,揀咗棵大窩笋及一埋南貨,之後她輕鬆咁挽住袋餸上車,由女助手接走。至晚上7時許,阿田就和老公連體行銅鑼灣,再行去禮頓中心附近撐枱腳。食飽飯才回家預備整九大簋啦!


hd