同李蕙敏做主持講Fashion 張學潤揞名爆娛圈笑料吸觀眾

  「時裝判官」張學潤(Nelson)除了為奇妙電視主持娛樂節目《娛樂巴巴閉》,最近亦與歌手李蕙敏(Amanda)一齊為D100網台主持節目《張冠李戴》,講吓Fashion、扮靚和養生。Nelson稱一直想跟Amanda合作,只試過為她的演唱會擔任stylist,估唔到一齊做節目咁有默契;二人傾得興起時,更不經意以「暗名」爆娛樂圈笑料,令不少聽眾感好奇,他稱若反應好,應該可以長做長有。撰文:李佩儀

  Nelson與Amanda認識超過二十年,由於大家都好貪靚,咁啱有朋友介紹他們到網台做節目講扮靚和fashion,二人即時答應。節目中,他們會教大家點襯衫,並介紹些優質的護膚品和化妝品給聽眾,所以事前都要做足功課「都係問啲朋友有邊隻(產品)好,然後我哋用過先介紹畀聽眾。」做了接近十集,Nelson稱反應不錯,因fb專頁有好多聽眾留言問問題;而與Amanda也默契十足,除了不時會着同類型的服飾做節目,有時仲會想播同一首歌,所以合作得好愉快。

有機會內地做節目

  該節目逢星期六有得聽,現時仍是試聽版,Nelson表示播埋下集便開始收費版,他透露:「之前講咗2018春夏潮流嘅hit item,嚟緊就會講埋秋冬,又會講吓名人有乜嘢養生食療好,仲可以畀聽眾喺fb留言點吓歌,當然仲會繼續講吓八卦嘢。」

  問Nelson今年還有甚麼大計,他說:「除咗繼續拍戲同做舞台劇,仲會幫奇妙電視主持新節目《我老友係明星》,Amanda都係其中一集嘅嘉賓。」他續稱兩人傾緊內地一個飲食節目,講煮嘢食和扮靚,如成事都應該幾好玩。


hd