騎劫福祿壽演唱會 梁家輝紅館高歌慰父母

  梁家輝前晚初踏紅館,騎劫了王祖藍等的福祿壽演唱會向父母獻唱,溫情洋溢;扮嘢了得的福祿壽也化身不同人物表演,令觀眾捧腹大笑。本報記者

  王祖藍、阮兆祥和李思捷前晚舉行首場《福祿壽十周年演唱會》,不少圈中好友擔任表演嘉賓,包括李司棋、關菊英、黃凱芹及梁家輝等。當家輝上台與祥仔合唱時,他笑謂:「我是來騎劫演唱會,事關移居外地良久的父母話知我在影藝和舞台劇都創出成績,如果能在紅館舞台唱首歌給他們聽或許會回港,結果老到爭啲郁唔到的媽咪就坐了10幾個鐘飛機返來,亦實現了我對媽咪的承諾。」還邊唱邊向台下的父母送飛吻。

  而祖藍、祥仔和思捷合體,少不免要扮嘢,祖藍扮了神奇女俠及《魔雪奇緣》的Elsa;祥仔扮復古版《跳舞街》的日本女學生、馬舞Psy等;思捷則化身郭富城及Michael Jackson跳舞。

  三人又齊齊反串做慳啲啦Baby、Hungry及大Ex玩girls talk,祖藍又自嘲說:「處女黨要解散喇!鍾嘉欣已生完再生、王君馨及岑麗香就結了婚等生、苟芸慧快將結婚想生,至於李亞男……佢老公唔係好得唔知幾時生!」雖然搞笑連場,但尾聲講及十載兄弟情時,祖藍和祥仔都禁不住眼泛淚光,三人攬作一團。


hd