平凡中女伴左右 趙世曾掛住食唔講嘢

  城中富豪趙世曾雖年屆81歲高齡,但依然老當益壯,一向有心有力的他,出晒名身邊多女朋友,更不乏青春少艾,但近年佢轉口味,主攻中女。早前他與中年女伴現身銅鑼灣時代廣場一齊食泰菜,只見二人默默食冇乜兩句,食食吓趙世曾仲落埋手,舔得津津有味。食咗一個鐘,趙生埋單離開,然後拖住女伴到樓下搭座駕返歸。   採訪:梁志明

  趙世曾身為卓能集團主席,由於年過八旬,三年前欽點女兒趙式芝(Gigi)接班、擔任公司副主席,他表示現階段未有考慮退休,但明言會慢慢放手,他說:「減少啲做嘢,等Gigi做多啲嘢,畀佢做多啲決定,慢慢扶佢上去。」問到女兒表現如何,他表示已進步不少。他續稱公司近年逐步將發展重心轉移至內地市場,但仍會繼續做好在香港手頭上的項目。

教女伴食泰菜

  工作有人接手,趙生自然有多啲時間享受生活,與女伴行街食飯,而趙生拍拖使費都好有分寸,唔一定出入酒店幫襯高級餐廳。早前下午見他與中年女伴到時代廣場「芽莊」食泰國菜,他們點了幾道招牌菜。食生菜肉碎包時,趙生仲出手教女伴點食,跟住自己都舔得津津有味。其間二人掛住食好少傾偈,但離開時趙生又好sweet咁拖住女伴,又搵座駕接載她離開,好有紳士風度!


hd